enn á englandi

ok, þið vitleysingarnir sem enn lesið þetta blogg... Ég er enn á Englandi en fer til ísl á morgun, eða annaðkvöld, lendi seint og þarf að reyna að keyra um nóttina til Akureyrar svo að ég geti mætt í skólann kl 8:15 á þriðjudags morguninn, ég verð sem sagt ekki mjög hress... En ég er með spurningu, hver var það sem mætti í skólann fyrir mig í síðustu viku, af því að ég sá á netinu að það hefur verið skráð að ég hafi mætt í tvo tíma, ef einhver hefur mætt undir mínu nafni þá væri ágætt að fá verkefnin og glósurnar.
Ég er búin að gera heilann helling í útlandinu, ég er t.d. orðin alveg ágæt í að snakka enskuna, tækla þetta, búin að fara til manchester, liverpool, southampton, salisbury, london, ascot, windsor, durrington og hálftíma í birmingham, en ég keyrði frá manchester til liverpool og þaðan fór ég svo suður en það tók allan daginn því að ég náði að villast tvisvar. Jæja, það verður fínt að koma heim því maður er bara farinn að sakna gríslingana helling, verður gaman að sjá þau og gefa þeim fullt af gjöfum.

Kv. frá Englandinu..

beðið eftir bloggi...

Já, ég held að það sé staðfest að ég sé duglegasti bloggari sem uppi hefur verið. En.. hef bara ekkert mikið að segja, hef nú ekki gert margt undanfarið eða jú ég fór í sumarbústað og tókst að rústa bakinu mínu endanlega.
Bangsar breytast í hesta og rollur breytast í bangsa, veit eiginlega ekki hvað málið er með landann.. enda allir löngu hættir að drekka hann (ok, þetta fannst engum hlægilegt nema hvað.. held að það sé smá glott á fésinu á Óskari)...

London...

Er í london.. skítkalt.. rigning.. en sólin sýnir sig þó stundum, alveg ágætt sko, kom á miðvikudaginn, flugvélin lenti á heathrow um kl 12 eftir að hafa farið góðann hring í kringum borgina, þá tók við alveg hellings labb á flugvellinum, enginn smá flugvöllur sko.. Þegar ég var svo búin að nálgast töskuna mína þá ætlaði ég að taka leigubíl á hótelið, sá skilti sem stóð á að það tæki 40 mín að fara með leigubíl inní central london, 60 mín með neðanjarðarlest með því að skipta 3 um lest, og svo 15 mín með heathrow express til Paddington, en þangað þurfti ég að komast, aðeins ca. 9 mínútna gangur þaðan að hótelinu, ég keypti því miða í lestina og kom mér þangað sem lestirnar eru, og auðvitað voru fleiri en ein lest þarna þannig að ég ákvað að spyrja fólk hvaða lest ég ætti að taka, fyrst spurði ég konu sem snéri sér við og bókstaflega hljóp í burtu þegar ég byrjaði að tala við hana, mér fannst hún ansi mikill dóni og varð fyrir miklum vonbrigðum með london en well, ég séri mér þá að karlmanni sem leit á mig eins og ég væri geimvera og gekk í burtu, þarna varð ég frekar ill og ákvað bara að giska á hvaða lest ég ætti að taka, heppin ég að fara í rétta lest, hefði verið ljótt ef ég hefði endað í skotlandi eða einhvers staðar. Á Paddington komst ég og hahaha það fer nú ekki framhjá manni að þetta er Paddington því allstaðar sér maður gamla góða Paddington bangsann, það fékk mig til að líka aðeins betur við london. Ég fór á hótelið, henti draslinu uppá herbergi og fékk mér góðann göngutúr um hverfið, hyde park beint á móti hótelinu sem er voða stór og voða flottur garður. Á fimmtudaginn fór ég á stitch and craft sýninguna sem var algjört æði, endalaust hægt að skoða og gramsa í allskonar handavinnu, bara gaman, tók leigubíl þangað og þegar ég fór þaðan þá tók ég leigubíl til baka á hótelið til að skila af mér því smotteríi sem ég keypti, eftir það gekk ég síðan inní bæ... eða á oxford street en skilaði mér þó snemma aftur á hótelið, var ekki alveg tilbúin í glæpina það kvöld. Á föstudaginn (í gær) þá fór ég aftur á oxford street og lenti í því að maður einn kom til mín og spurði hvort hann mætti fá 2 mínútur af tíma mínum, ég sagði nei, og þá sagðist hann geta kennt mér dónalegt táknmál, ég sagðist nú þegar kunna eitt dónalegt á táknmáli en hló geggjað mikið, gaman að lenda í svona. En ég ætlaði mér að fara snemma á hótelið, ákvað að taka ekki leigubíl í það skiptið og prófa stóra rauða strætóinn, keypti mér dagskort og fór í strætó sem ég hélt að færi með mig að hótelinu en það var nú ekki svo gott því ég náði að villast alveg helling í strætó, fór eitthvað útí buskann og þurfti að finna mér annann strætó til að komast til baka en sá strætó fór bara eitthvað allt annað en sá þriðji sem ég fór í skilaði mér aftur á oxford street og þá ákvað ég bara að taka leigubíl á hótelið, þetta var nú meiri vitleysan sem ég kom mér í, heill dagur fór í strætórugl, en samt bara gaman, sá helling af london í leiðinni. Í dag gekk ég stórann hring frá hótelinu að paddington hélt svo áfram eitthvað og allt í einu var ég komin enn eina ferðina að oxford street, hélt þaðan áfram og endaði hjá buckingham palace, ætlaði í te hjá kvínsu en hún var ekki heima, kannski sem betur fer því ég hef aldrei fílað hana neitt mikið. Eftir buckingham palace ákvað ég að fara bara enn eina ferðina á oxfordið til að fá mér að borða áður en ég fór á hótelið, skellti mér á pizza hut og á meðan ég hakkaði í mig pizzuna þá sé ég allt í einu lögregluna í kringum einn strætó fyrir utan, ég horfði spennt á í von um að fá að sjá góðann skotbardaga, en það gerðist þó ekki, en það voru einhver slagsmál inní strætó og eitthvað vesen, ekkert gaman að því. En núna er ég sem sagt komin uppá hótel og ákvað að skila af mér bloggi en ég var eiginlega búin að lofa að blogga á hverjum degi, ég bara hef alls ekki nennt því þangað til núna.
Hér eru nokkrar myndir sem ég hef tekið, njótið...
ég verð nú bara að viðurkenna að ég veit ekkert hvað þetta er, en þetta er þar sem oxford street byrjar...
Sýningin góða.. ætla sko að fara aftur seinna... þetta er algjör snilld...
augað góða, myndin tekin frá Buckingham palace...
Buckingham palace, var lengi þarna að aðstoða túrista við myndatökur...

Já.. gamla fór á kaldbakinn...

Ég hélt ég myndi aldrei þora þangað á snjósleða en lét svo vaða í gær og var ekkert voðalega hrædd, ég öskraði bara einu sinni, og það var á leiðini niður. Þegar ég var þarna uppi leið mér svolítið eins og ég væri í myndinni "Alive" sá ekkert nema snjó og heyrði engin hljóð nema brakið í snjónum þegar ég gekk þarna um, var farin að búast við að finna lík þarna sem ég þyrfti að borða... hrollur... En Gunni var þarna líka, hann var lengi búinn að reyna að fá mig til að fara þarna upp en ég hafði aldrei þorað, í gær ákvað ég að horfast í augu við óttann. Ég á nú sennilega eftir að fara oft þangað í framtíðinni því útsýnið er stórkostlegt, mæli sko með því að allir fari þangað.

David Cook er ÆÐI

Ok, ég hef ekkert verið að horfa á American Idol, en núna áðan þá var það í sjónvarpinu og ég fékk bara auka hjartslátt og gæsahúð þegar ég sá dreng að nafni David Cook síga á svið, drengurinn er æði.. og ekki skemmir að drengnum finnst æði að ráða krossgátur og læra ný orð... gaman að svona gaurum, það mættu fleiri vera svona... set inn 2 myndbönd.. og ppl.. commenta svo ! ! !

Jæja elskurnar mínar ! ! !

Ég biðst afsökunnar á bloggleti undanfarið en vonandi á það eftir að breytast, hver veit, ætla þó ekki að lofa neinu.
Það hefur nú kannski ekki margt gerst undanfarið hjá mér, eða þannig, er að vísu að fara til London eftir 13 daga og er ansi spennt yfir því, langt síðan ég hef gert eitthvað fyrir sjálfa mig og ekki þurft að hugsa um einhvern annann, ég ætla sko bara að njóta þess eins og ég get.
Hef átt yndislegan dag en ég var að koma af vorskemmtun Grenivíkurskóla þar sem börnin mín tóku þátt og stóðu þau sig alveg frábærlega vel þó að hann Mikki lenti í basli með mækinn og sat uppá sviði og blótaði og kallaði á kennarann sinn, gekk þó allt vel að lokum, ég mun setja inn myndbönd af þessu á youtube fljótlega en hér til hliðar er linkur á síðuna mína þar, er nú þegar búin að setja inn 5 myndbönd.
LOL hvað ég er ekki að vita hvað ég á að skrifa núna, ætla nú samt að blogga aftur um helgina og segja frá því hvað ég ætla að gera í london.
Verð að láta eitt yndislega krúttlegt myndband fylgja með þessu bloggi, svona aðeins til að bæta upp fyrir það hvað ég hef lítið að segja.

verðandi skurðlæknar

Já það mætti alveg halda að VMA væri að breytast í einhvern skurðlæknaskóla eða eitthvað þessháttar, en ef ég vissi ekki betur þá myndi ég halda að þessar skólasystur mínar væru að undirbúa krufningu eða líffæraflutninga!
Þreyta og vesen er búið að vera að hrjá mig síðustu vikur og rétt eins og það ætli bara að halda þannig áfram, held svei mér þá að þetta sé bara leti og ekkert annað. Gengur samt svona ljómandi vel í skólanum, get alls ekki kvartað.
Á heimilinu gengur allt svona þokkalega fyrir utan beinverki og kvef, en krakkarnir tóku uppá því að næla sér í kvef og ég beinverki, hundarnir hafa það þó mjög gott. Læt þetta duga í bili þar sem ég hef bara ekkert að segja núna og er bara alveg að sofna við þetta...

Skólinn byrjaður

jújú, skólinn er byrjaður sem er bara fínt fyrir utan það hvað er hræðilega erfitt að vakna, maður er bara eitthvað voða lúinn eftir jólin.
En sem sagt þá fórum við Inga og sóttum stundatöflurnar okkar 7. janúar og vorum alveg illa þreyttar eftir helgina, en hún var í heimsókn hjá mér og það var þokkalega tekið á því í singstar sem ég vann auðvitað (ííííhííí)... hmm.. já sem sagt þá þurftum við að bíða í einn og hálfan tíma í biðröð, eða þ.e.a.s. ég þurfti að bíða lengi í biðröð en inga þurfti að bíða eftir mér. Ég var ekki alveg að átta mig á þessu skipulagi í skólanum því að það eru sennilega yfir 1000 nemendur og það voru 2 gamlar kerlingar að afhenda töflurnar, tók agalega langann tíma. Svo seinna um daginn þurfti ég að fara aftur uppí skóla og láta breyta töfluni minni sem tókst og í það skiptið þurfti ég aðeins að bíða í rúman hálftíma, á meðan beið Inga útí bíl og steinsofnaði ! ! !Eftir þetta allt saman var ég orðin alveg hræðilega lúin þannig að ég skutlaði Ingu í búð og svo heim, þarna var ég orðin svo þreytt að ég var alls ekki í ástandi til að aka, en komst heim og crashaði í sófann.
Eftir aðeins viku í skólanum gengur bara allt ljómandi vel, get alls ekki kvartað.
Jæja, varð að henda inn einni færslu svo fólk hætti ekki að kíkja hingað.. þangað til næst.. bæbbz

flogið inní árið 2008

Jæja, nú er ég komin með adsl og er þá sem sagt komin með nokkuð góða tengingu. Jólin alveg að verða búin og við náðum að skjóta gamla árinu burt.
Jólin heppnuðust bara ágætlega hér á mínu heimili þó að ég hafi verið ansi veik en náði svo að fara í lyfjameðferðina mína 28. des. sem heppnaðist bara ágætlega að ég held. Krakkarnir byrja svo í skólanum á föstudaginn og ég byrja sjálf á mánudaginn, já, ég sem sem sagt hætt við að hætta í skólanum. Ottó hans Gunna fór í morgun og Gunni fór svo á sjóinn í dag og ég keyrði hann því til Akureyrar, en á leiðinni þangað gerðist margt sem gerist kannski ekki á hverjum degi. Þegar við vorum hálfnuð til Akureyrar þá tókum við eftir bíl útí kannti sem er nú kannski ekki óvenjulegt og maður stóð niðrí fjöru að taka myndir, þetta fannst mér nú ekkert merkilegt en Gunni horfði á þetta og æpti svo allt í einu "hann er að taka myndir af konu, og hún er nakin" svei mér þá, ég hélt að hann ætlaði í gegnum rúðuna á bílnum og ég var mjög fegin að hafa verið að keyra eða allavega þangað til við vorum alveg að verða komin til Akureyrar því þá sé ég allt í einu flugvél koma á móti mér, ég vissi ekki hvert ég ætlaði mér brá svo mikið, en svo hækkaði flugmaðurinn flugið, ef flugmann skyldi kalla og lék sér á relluni sinni.
En allavega þá leggst 2008 bara ágætlega í mig en vona bara að flugvélar láti mig í friði það sem eftir er af árinu.

the world of "WILD" animals

Ég fór í smá jólagjafaleiðangur til Akureyrar í dag og endaði í dótabúð, ég varð svo hneiksluð þegar ég sá þessi dýr í pakka að ég bara varð að taka mynd af þessu með símanum mínum. Hvaða andskotans perri sér um að pakka svona dýrum, þetta er nú bara hálf dónalegt! ég á ekki til orð...

"WILD" animals...!

Hætt í skóla ! ! !

Já, þá hef ég ákveðið að hætta í skóla, allavega í bili eða þangað til ég finn mér aðra braut.

Annars er nú ekkert voðalega mikið að frétta hér.. aðallega búin að vera að þrífa og hengja upp seríur sem fer alveg voðalega í taugarnar á mér, en ég auglýsi hér með eftir aðventuljósinu mínu, það er horfið. Það stóð alltaf á sama stað inni í geymslu en nú er það bara gufað upp, mjög undarlegt mál, vona allavega að það sé enginn aðventuljósaþjófur á ferðinni á grenivík.

29 ára í dag!

Já, ég á afmæli í dag og er þá orðin 29 ára. Engin veisla enda ekkert með það að gera, ætla bara að hafa það gott fyrst skólinn er búinn. Til hamingju ég!

þrífum heiminn

Já, verkefnin mín í skólanum geta verið ansi skrítin, en hér er nú eitt af þeim, vildi bara endilega leyfa ykkur að njóta þess að horfa á þetta fallega meistaraverk mitt :o)

Ylhýrar skammir

Já nú er ég sko ánægð með frændur mína norðmenn. Mikið hefur verð talað um í stórum fyrirtækjum að nota ensku sem aðalmál, en ég er mikið á móti því af því að íslenskan má einfaldlega ekki deyja út.

Frétt dagsins er þessi að mínu mati:

Risafyrirtækið Statoil í Noregi sendi nýlega samtökum í norskum sjávarútvegi, Norges Fiskarlag, bréf á ensku við lítinn fögnuð viðtakenda. Þeir svöruðu með bréfi – á íslensku, segir í frétt á vefsíðu sænska blaðsins Dagens Nyheter.
Talsmaður Norges Fiskarlag sagði í svarbréfinu að ef landar hans hjá Statoil héldu uppteknum hætti myndi næsta bréf hans verða á máli zúlúmanna í Suður-Afríku. Ráðamenn Statoil hafa nú gefið skipun um að þótt vinnumál fyrirtækisins sé enska skuli framvegis skrifa á norsku þegar um sé að ræða samskipti við Norðmenn.
Dagens Nyheter segir að stórfyrirtæki á Norðurlöndum vilji gjarnan nota ensku sem vinnumál og enska sé æ meira notuð í háskólunum. En vísindamenn séu aðeins lítill hluti af háskólafólkinu, langflestir þurfi að geta notað menntun sína á heimavelli. Mikilvægt sé því að nemarnir þjálfist í að hugsa og nota hugtök í sinni eigin grein á móðurmálinu.

jólin nálgast

skamm ég.. vika og einn dagur síðan ég bloggaði síðast, má bara ekki gerast. En jæja, vika eftir af skólanum, get ekki beðið, er orðin ansi þreytt og langar bara að fá frí.

Það hefur nú ekki mikið gerst hjá mér síðan ég bloggaði síðast, á laugardaginn fór ég til mömmu og skar laufabrauð, eitthvað sem mér finnst alls ekki skemmtilegt, bara verð að gera þetta af því að mér finnst laufabrauð svo andskoti gott, hangikjöt, laufabrauð með smjöri, malt og appelsín, mmmmm...

Í gær fórum við fjölsk. svo uppí skóla í bingo en krakkarnir í þrem efstu bekkjunum eru að safna fyrir skólaferðalagi, líklega til köben, ég fór til noregs á sínum tíma, ætla ekki að reyna að telja árin síðan það var. En við ætluðum sko heldur betur að fá alla vinningana á bingóinu en tókst ekki alveg, Mikki fékk að vísu vinning á sitt spjald og það var gsm sími og margt fleira í vinning og litli gaur heldur betur spenntur, en Valdi skólastjóri fékk líka bingó og þeir þurftu að draga spil, Mikki ekki alveg með heppnina með sér því hann dró þrist, var ansi svekktur yfir því að fá aukavinning sem var kaffipoki, hárteyjur, bátur á subway, ís í brynju og dvd mynd sem hann átti fyrir, en svona er þetta bara og hann verður bara að læra að hann getur ekki fengið allt, og hann var líka fljótur að hressa sig við og kláraði bingóið. Ætlum svo bara að fara aftur á bingó á akureyri á milli jóla og nýárs, fullt af flugeldabingóum þá, bara gaman að fara á bingó!

Í dag keypti ég jólaseríu til að setja á þakskeggið og píndi Gunna til að fara út og græja hana, þar sem hann er að fara á sjó fljótlega aftur þá þarf hann sko að sjá um svona príl og vesen, en hann hafði nú bara gott af þessu.